AI 整理結果 A
雖然當時物質條件有限，但家庭成員齊聚一堂，營造出咗温馨幸福嘅用餐氛圍。
第 07 章 · 第 2 課 · 約 7 分鐘
留低原話，唔好等 AI 偷偷改寫
本課淨係練一條界線：AI 可以調順序同標點，但唔可以偷偷換走你嘅用詞、畫面同語氣。
艾莉主講
01
先睇 AI 交返嚟嘅兩份整理
呢個係虛構嘅教學示例。重點睇嗰句有個人味道嘅原話，仲喺唔喺度。
判斷練習 · 睇 AI 有冇改原話
請先揀一次
你對 AI 講（教學示例）
「原話唔好改，淨係排順少少。」
講述者原話
「嗰陣嘢唔多，但一家擠喺一張枱邊，飯就食得香。」
AI 整理結果 B
講述者記得，嗰陣嘢唔多，「一家擠喺一張枱邊，飯就食得香」。
「嘢唔多」被 A 換成咗書面化嘅「物質條件有限」。
「擠喺一張枱邊」呢個具體畫面，喺 A 裏面消失咗。
A 新加咗「温馨幸福」，原話淨係講「飯就食得香」。
02
呢一節總結
句子可以更清楚，讀落都應該似講述者本人。
原
本課 AI 技能：校對整理稿，攔住偷偷改寫。
尤其要留低口頭禪、比喻、特別嘅講法同帶畫面嘅句子。寫成書面話唔等於更真實。
你可以對 AI 講
唔識講長句都唔緊要。先講最短嗰句。
一句講得出口
「原話唔好改，淨係排整齊。」
兩句唸得順
「引號裏面嘅話照原樣留低。唔好換成書面話，亦唔好加感受。」
想講完整嗰陣
「請留低引號裏面嘅原話，淨係調段落順序同標點。唔好將樸素講法換成書面話，亦唔好加原話冇嘅感受。」